ចាប់បានបង្គាចាក់បញ្ចូលចាហួយ និងមានគីមី ជាច្រើនតោន នាំចូលពីប្រទេសវៀតណាម

ភ្នំពេញ ៖ បង្គាជាច្រើនតោន ដែលខូចគុណភាព​ មានផ្ទុកដោយសារធាតុគីមី និងមានចាក់បញ្ចូលចាហួយ ក្នុងក្បាល បង្គា ត្រូវបានសមត្ថកិច្ចធ្វើការបង្ក្រាបបាន  នៅយប់ថ្ងៃទី០៥​ ខែកុម្ភ: ឆ្នាំ២០២១ ខណៈរថយន្តដឹកបង្គាទាំង២គ្រឿងនោះ បានចូលមកដល់រាជធានីភ្នំពេញ ។

ប្រភពពីស្នងការនគរបាលរាជធានីភ្នំពេញ បានបង្ហាញថា ដោយអនុវត្តតាមបទបញ្ជា របស់ឯកឧត្តម​ ឧត្តមសេនីយ៍ឯក​ ស​ ថេត​ អគ្គស្នងការរង​ និងជាស្នងការ នគរបាលរាជធានីភ្នំពេញ​ នៅយប់ថ្ងៃទី០៥​ ខែកុម្ភ: ឆ្នាំ២០២១នេះ​ លោកឧត្តមសេនីយ៍ទោ​ ពិត​ បញ្ញា​ ស្នងការរងទទួលផែន ការងារប្រឆាំងបទល្មេីសសេដ្ឋកិច្ច​ លោកឧត្តមសេនីយ៍ត្រី​ ម៉ៅ​ រង្សី​ ស្នងការរង ទទួលដឹកនាំ ការិយាល័យប្រឆាំង បទល្មេីសសេដ្ឋកិច្ច​ និងលោកនាយការិយាល័យ​ បានដឹកនាំកម្លាំងសហការ ជាមួយសមត្ថកិច្ចកាំកុងត្រូល​ ដោយបានធ្វេីការឃាត់ចាប់បានបង្គា នាំចូលពីប្រទេសវៀតណាមខូចគុណភាព​ ដែលមានផ្ទុកដោយសារធាតុគី មីដេីម្បីរក្សាទុកបានយូរ​ ដែលមានផលប៉ះពាល់ខ្លាំង ដល់សុខភាពអ្នកដែលបរិភោគ​ ចំនួន៦​តោន​ និង៥០០​Kg ។ 

មន្រ្តីជំនាញកាំកុងត្រូល ក៏បានបង្ហាញនូវរូបភាព យកចាហួយចេញពីក្បាលបង្គាទាំងនោះ ដែលក្រុមឈ្មួញបាន ចាក់បាញ់បញ្ចូលដើម្បីឱ្យបង្គានោះ កើនទម្ងន់ លក់ចំណេញខ្លាំង ដោយមិនខ្វល់ពីសុខភាពអ្នកបរិភោគនោះឡើយ ។ កន្លងមក សមត្ថកិច្ចតែងតែបង្ក្រាបបាន ករណីបង្គាបែបនេះ ជាច្រើនករណី ប៉ុន្តែឈ្មួញទាំងនោះ ហាក់មិនខ្លបខ្លាចសមត្ថកិច្ចនោះឡើយ នៅតែរកជំនួញបែបនេះ ៕ ដោយ ៖ ប៉ូច គឹមសុខ 

Leave a Reply

Your email address will not be published. Required fields are marked *