ចាប់បានប្រហិតចម្រុះខូចគុណភាព ជាងពីរតោន ចូលពីប្រទេសថៃ

បាត់ដំបង ៖ សមត្ថកិច្ចនគរបាលស្រុកកំរៀង ឃាត់រថយន្តមួយគ្រឿង ដឹកប្រហិតចម្រុះខូចគុណភាព ជាងពីរតោនចូលពីប្រទេសថៃនៅវេលាម៉ោ១២ថ្ងៃត្រង់ ថ្ងៃទី០១ ខែកក្កដា ឆ្នាំ២០២២ នៅចំណុចគោលដៅចរាចរណ៍ ភូមិបឹងរាំង ឃុំបឹងរាំង ស្រុកកំរៀងខេត្តបាត់ដំបង ។ 

សមត្ថកិច្ចឱ្យដឹងថា អនុវត្តតាមយោបល់ដឹកនាំ របស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ លោកវរសេនី​យ៍ទោ វេ គឹមចត់ អធិការនគរបាលស្រុក បានដឹកនាំ  កម្លាំងផ្នែកជំនាញ ឃាត់រថយន្តចំនួន០១​គ្រឿង​ ម៉ាកសាំយ៉ុង ពណ៌ទឹកប្រាក់ ពាក់ស្លាក​លេខ កំពង់ចាម2A-0087 បើកបរដោយឈ្មោះ សុខ ចាន់ភេទប្រុស អាយុ៣៤ឆ្នាំ រស់នៅ ភូមិប្រគាប ឃុំរូងជ្រៃ ស្រុកថ្មគោល ខេត្តបាត់ដំបង ។

សមត្ថកិច្ចបានត្រួតពិនិត្យ លើរថយន្តឃើញ មាន​ប្រ​ហិ​តចម្រុះខូចគុណភាព ប្រមាណជាង២,០០០គីឡូក្រាម ដែលផ្ទុកពេញរថយន្តរួចបញ្ជូន​ទាំងម្ចាស់និងប្រហិតចម្រុះទាំងនេះ មកកាន់ការិយាល័យជំនាញ នៅស្នងការដ្ឋាន ដើម្បីអនុវត្ត បន្តតាមនីតិវិធីច្បាប់ ៕ 

Leave a Reply

Your email address will not be published. Required fields are marked *