កំពង់ស្ពឺ ៖ តាមការឱ្យដឹងព័ត៌មានពី លោកវរសេនីយ៍ឯក ឃុត សុផល អធិការ នគរបាលស្រុកសំរោងទង ថា ក្មេងប្រុស២នាក់ រស់នៅក្នុងខេត្ដកំពង់ស្ពឺ ត្រូវបានកំលាំងនគរបាលឃាត់ និងនាំយកមកអធិការដ្ឋាននគរបាលស្រុកសំរោងទង ដេីម្បីធ្វើការអប់រំណែនាំ និងពិនិត្យលេីករណីមួយចំនួនបន្ដ(សាកសួរតាមនីតិវិធី)។
ក្មេងទាំងពីដែលបង្ហោះម៉ូតូមានឈ្មោះ ១. គង់ គីមីត ភេទប្រុស អាយុ១៨ឆ្នាំ នៅភូមិស្លា ឃុំវល្លិសរ ស្រុកសំរោងទង ខេត្តកំពង់ស្ពឺ(អ្នកបើក) និងទី២ យ៉ាង សុខលាង ភេទប្រុស អាយុ១៧ឆ្នាំ នៅភូមិអង្គរជា ឃុំព្នាយ ស្រុកសំរោងទង ខេត្តកំពង់ស្ពឺ (អ្នកជិះក្រោយ) ។
ពួកគេបានសកម្មភាព ជិះម៉ូតូបង្ហោះតាមផ្លូវជាតិលេខ៤ ម៉ូតូម៉ាកហុងដា សេរីឆ្នាំ២០២២ ពាក់ស្លាកលេខ កំពង់ស្ពឺ 1Y-5214 កាលពីថៃ្ងទី១៩ ខែឧសភា ២០២៣ រសៀលម៉ោង៥ល្ងាច ។ សូមប្អូនៗបញ្ឈប់សកម្មភាពបែបនេះទៅ ព្រោះទង្វើនេះ ជាទង្វើដែលសង្គមស្អប់ខ្ពើម ហើយអាចបង្កគ្រោះថ្នាក់ដល់ខ្លួនឯង និងងាយបង្កគ្រោះថ្នាក់ ដល់ធ្វើដំណើរផ្លូវថ្នល់ផងដែរ ៕ ដោយ ៖ ប៉ូច គឹមសុខ