ភ្នំពេញ ៖ បុរសម្នាក់បានលង់ទឹករណ្តៅដីដ៏ជ្រៅ ស្ថិតនៅភូមិអង្គឃ្វៀន សង្កាត់សំរោងលើ ស្រុកអង្គស្នួលខេត្តកណ្តាល កាលពីព្រលប់ ថ្ងៃទី១៦ ខែមិថុនា ឆ្នាំ២០២៣ ត្រូវបានកងកម្លាំងអន្តគមន៍សង្គ្រោះគ្រោះមហន្តរាយ៩១១ជួយស្រង់ពីក្នុងទឹក តែគាត់បានបាត់បង់ជីវិតទៅហើយ ។
មន្ត្រីកងទ័ពបានឱ្យដឹងថា កងកម្លាំងអន្តគមន៍សង្គ្រោះគ្រោះមហន្តរាយ៩១១ នៃ បញ្ជាការដ្ឋានទ័ពពិសេស ៣០នាក់បានប្រើសម្ភារមុជទឹកចំនួន ១០ឈុត ,រថយន្ត ៣គ្រឿង ,ម៉ាស៊ីនហ្វា ១គ្រឿង ដឹកនាំដោយ ឧត្តមសេនីយ៍ត្រី ស៊ុំសំណាង មេបញ្ជាការរង នាយសេនាធិការ បញ្ជាការដ្ឋានទ័ពពិសេស ចុះជួយរុករកសាកសព បុរសម្នាក់ឈ្មោះ ខុន ម៉ៅ អាយុ ប្រហែល៥១ឆ្នាំ ជាប្រជាជនរស់នៅភូមិអង្គឃ្វៀន សង្កាត់សំរោងលើ ស្រុកអង្គស្នួល ខេត្តកណ្តាល។
បន្ទាប់ពីស្រង់សាកសពពីទឹករណ្តៅដីស្ថិតនៅភូមិឃុំ ស្រុក ខាងលើរួច បានប្រគល់ជូនគ្រួសារសពយកទៅធ្វើបុណ្យតាមប្រពៃណី ៕(ដោយ សំណាង៩៦)