ភ្នំពេញ ៖ មានករណីគ្រោះអគ្គីភ័យឆេះ ហាងMeet You Here សិ្ថតនៅផ្លូវលេខ ៥៩០ ក្រុមទី៤៩ ភូមិ១១ សង្កាត់បឹងកក់ទី០១ ខណ្ឌទួលគោក កើតឡើងកាលពីវេលាម៉ោង ១២និង១៥នាទី ថ្ងៃចន្ទ ទី២៦ខែមិថុនាឆ្នាំ២០២៣ ដោយមូលហេតុឆ្លងចរន្តអគ្គិសនី ។
សមត្ថកិច្ចនិយាយថា ម្ចាស់ទីតាំងឈ្មោះជីន យូអុី ភេទស្រី អាយុ២៨ឆ្នាំ ជនជាតិខ្មែរ មុខរបរជាម្ចាស់ហាង។ ប្រភេទសំណង់ដែលឆេះសង់អំពីថ្មបេតុង មានទំហំ១៥ម៉ែត្រ គុណនឹង២០ម៉ែត្រ បណ្តាលឱ្យឆេះបន្ទប់ជាន់ទី០១ តែពុំបណ្ដាលឱ្យឆេះរាលដាលដល់អ្នកក្បែរខាងឬរងរបួសដល់មនុស្សឡើយ។
ភ្លាមៗនោះមានរថយន្តការិយាល័យពន្លត់អគ្គិភ័យចំនួន១០គ្រឿង ប្រើប្រាស់ទឹកអស់ចំនួន ៨ឡាន ស្មើនឹង ៣២ម៉ែត្រគូបហើយពន្លត់ចប់នៅម៉ោង ១រសៀល នាថ្ងៃខែឆ្នាំដដែល៕ (ដោយប៉ូច គឹមសុខ)
