ភ្នំពេញ ៖ អតីតតារាសម្តែងរឿងភាគស្ទេីរតែគ្រប់ទូរទស្សន៍ ជាពិសេសរឿងភាគ របស់ទូរទស្សន៍ប៉ុស្តិលេខ៥ អ្នកនាង អេង វ៉ាណង ប្រែក្លាយ១៨០ដឺក្រេ មេីលលែងស្គាល់ព្រោះតែជម្ងឺមហារីកដំណាក់កាលទី៣ បូករួមជម្ងឺបាក់ទឹកចិត្ត ។ បន្ទាប់ពីលាក់រឿង ពួនសម្ងំតស៊ូប្រយុទ្ធប្រឆាំងនិងជំងឺដ៏កាចសាហាវមួយនេះអស់រយៈពេលជាច្រេីនខែរួចមក ពេលនេះអ្នកនាង វ៉ាណង បានទម្លាយអោយមហាជន ជាពិសេសមិត្តភក្ត្រ័តារា បានដឹងឥតលាក់លាមពីស្ថានភាពជំងឺ និងការវិវឌ្ឍយ៉ាងឆាប់រហ័ស នៃជំងឺមហារីកមួយនេះ ។
រៀបរាប់ទាំងទឹកភ្នែករលីងរលោង ប្រាប់អ្នកសារព័ត៌មានថា ដំបូងឡេីយអ្នកនាងមិនបានដឹងទេថា ខ្លួនមានជំងឺនេះ ទេីបតែរយៈពេល៥ខែចុងក្រោយនេះទេីបដឹង ហេីយទម្រាំតែដឹងខ្លួន គឺជំងឺនេះវិវឌ្ឍដល់ដំណាក់កាលទី៣រួចទៅហេីយ ។ ពេលឈឺដំបូងអ្នកនាងបានទៅព្យាបាលនៅមន្ទីរពេទ្យរុស្សី តែស្ថានភាពជំងឺមិនធូរស្បើយ ទេីបអ្នកនាងសម្រេចចិត្តចេញទៅព្យាបាលនៅឯប្រទេសថៃ ។
ពេលទៅដល់ក្រុមវេជ្ជបណ្ឌិតប្រាប់ថា សាច់ដែលដុះក្នុងខ្លួននាងគឺសាច់កាច ហេីយតម្រូវអោយធ្វេីការវះកាត់ ចេញជាបន្ទាន់ និងបន្តចាក់សារធាតុគីមីចំនួន១៦ដង ដែលក្នុងម្តងត្រូវចំណាយអស់ខ្ទង់៨០០ដុល្លា ។ ដោយសារតែក្រុមគ្រួសារគ្មានលិទ្ធភាព ក្នុងការព្យាបាលបន្ត ទេីបសម្រេចចិត្តត្រឡប់មកប្រទេសកម្ពុជាវិញ ហេីយលេបថ្នាំបណ្តោះអាសន្នសិន ។
អ្នកនាងណង បានបន្តទៀតថា ដំបូងអ្នកនាងមិនចង់ទម្លាយអោយសាធារណជនបានដឹងទេ ដោយសារតែនៅមានរបស់របរ លក់យកលុយមេីលជំងឺ ហេីយណាមួយខ្លាចពាក្យមហាជននិយាយថា ពួកតារាអោយតែឈឺ គឺសុំជំនួយ ។ តែក្រោយពីសម្ងំព្យាបាលរយ:ពេល៥ខែ រហូតលក់របស់របរអស់ពីខ្លួន នៅតែមិនទាន់ធូរស្រាល ហេីយណាមួយសភាពជំងឺបច្ចុប្បន្ននេះ ត្រូវការចាំបាច់នូវប្រាក់ចំនួន២ម៉ឺនដុល្លា ក្នុងការចាក់សារធាតុគីមី ទេីបអ្នកនាង អេង វ៉ាណង ដាច់ចិត្តលេីកដៃសុំជំនួយ ពីសាធារណៈជន ដេីម្បីបន្តជីវិតបានរស់នៅ បីបាច់ថែរក្សាកូនតូចបីនាក់ និងម្តាយចាស់ម្នាក់ទៀត ។ សប្បុរសជនអាចធ្វេីការបរិច្ចាកថវិកាតាមគណនី របាស់អ្នកនាងផ្ទាល់ ABA 081 700 999 Eng Vanorng ឬ ទំនាក់ទំនងតាមឦលេខទូរសព្ទផ្ទាល់ 081 700 999 ៕ ដោយ ៖ ប៉ូច គឹមសុខ
