ភ្នំពេញ៖ អគ្គីភ័យមួយបានឆាបឆេះតូបលក់ដូរមួយកន្លែង ចំនួន២តូបជាប់គ្នាបណ្តាលឱ្យរងការខូចខាតសម្ភារៈមួយចំនួនបង្កការភ្ញាក់ផ្អេីលកាលពីវេលាម៉ោង៣និង៤០នាទីរសៀល ថ្ងៃទី១ ខែសីហា ឆ្នាំ២០២៣ ចំណុចផ្ទះលេខ៥៩ ផ្លូវ២ បុរីពិភពថ្មី ភូមិត្រពាំងគល់ សង្កាត់កន្ទោក ខណ្ឌកំបូល។
តាមប្រភពពព័ត៌មានបានឱ្យដឹងថា មុនពេលកេីតហេតុខណៈម្ចាស់អង្គុយលេងនៅខាងក្រោមក្នុងបន្ទប់ស្រាប់តែទុស្សេរចរន្តភ្លើង បានឆាបឆេះបន្ទប់ជាន់លេីភ្លាមនោះ ប្រជាពលរដ្ឋបានរាយការណ៍ទៅកម្លាំងសមត្ថកិច្ចអោយជួយអន្តរាគមន៍។
ក្រោយពីទទួលព័ត៌មានភ្លាមក្រុមរថយន្តពន្លត់អគ្គិភ័យរបស់អង្គភាព៧១១ កងពលតូចលេខ៧០ ចេញរថយន្តពន្លត់អគ្គិភ័យចំនួន៣គ្រឿង និងរថយន្តពន្លត់អគ្គិភ័យបុរីសង្ឃឹមថ្មីចំនួន២គ្រឿង រថយន្តពន្លត់អគ្គិភ័យរបស់អង្គភាព៩១១ ចំនួន១គ្រឿង មកអន្តរាគមន៍ភ្លាមៗ។
ក្នុងរង្វង់ប្រតិបត្តិការខាងលេីនេះប្រេីប្រាស់រថយន្តពន្លត់អគ្គិភ័យចំនួន២ឡាន របស់កងពលតូចលេខ៧០មួយគ្រឿង រថយន្តពន្លត់អគ្គិភ័យបុរីសង្ឃឹមថ្មីមួយគ្រឿងហេីយអគ្គិភ័យក៏រលត់ទៅវិញ ដោយរងការខូចខាតសម្ភារៈមួយចំនួន។ ចំពោះមូលហេតុបណ្តាលមកពីឆ្លង
ចរន្តអគ្គិសនី។
សមត្ថកិច្ចបញ្ជាក់ថា តូបដែលត្រូវអគ្គិភ័យឆាបឆេះខាងលេីមានទំហំ ២,៥០ម៉ែត្រ គុណ៤ម៉ែត្រ២តូបជាប់ៗគ្នា ៕ដោយ៖BBN19សែនជ័យ