កំពង់ស្ពឺ ៖ មានរថយន្ដ១គ្រឿងហ៊ីយ៉ាន់ដាយ ដឹកកម្មករ កម្មការិនីជាង៧០នាក់បានបើកធ្លាក់ខុសផ្លូវបណ្តាលឱ្យក្រឡាប់របួសធ្ងន់-ស្រាល៥១នាក់ នៅព្រឹកថៃ្ងសៅរ៍ទី០៥ខែសីហាឆ្នាំ២០២៣ វេលាម៉ោង០៥និង៥៨នាទី ចំណុចភូមិទ្រា ឃុំព្នាយ ស្រុកសំរោងទង ខេត្តកំពង់ស្ពឺ។
សមត្ថកិច្ចនិយាយថា រថយន្ដហ៊ីយ៉ាន់ដាយ ដឹកកម្មករ ពណ៌ស គ្មានស្លាកលេខ ផ្ទុលទម្ងន់2.5តោន អ្នកបើកបរឈ្មោះគា ទីណា ភេទប្រុស អាយុ២៤ឆ្នាំ រស់នៅភូមិកណ្ដក់ ឃុំព្រៃក្រសាំង ស្រុកសាមគ្គីមុនីជ័យ (គេចខ្លួន)ដឹកកម្មករ-កម្មការិនី រោងចក្រសរុបជាង៧០នាក់ បណ្តាលឱ្យក្រឡាប់របួសធ្ងន់-ស្រាល៥១នាក់ ប្រុស ១៧នាក់ ក្នុងនោះរងរបួសធ្ងន់ចំនួន ០៨នាក់ ប្រុស ០២នាក់ ។
ប៉ូលិសនិយាយថា មូលហេតុ រថយន្ដបើកបរ បាត់ម្ចាស់ការ ដោយធ្វេីដំណេីរពីទិសខាងជើង-ទៅត្បូងមកដល់ចំណុចផ្លូវកោង រថយន្ដបត់ទៅកើតបណ្ដាលអោយរេចង្កូតក្រឡាប់ធ្លាក់ស្រែ ។
តាមការបញ្ជាក់ពី លោកវរៈសេនីយ៍ឯក ឃុត សុផល អធិការស្រុកសំរោងទង អ្នករងរបួសមាន៥១នាក់ ខណៈពេលនេះសមត្ថកិច្ចនគរបាលបានកំពុងជួយសម្រួលនិងសង្រ្គោះបញ្ជូនទៅកាន់មន្ទីរពេទ្យឯកជន-រដ្ឋ សង្រ្គោះបន្ទាន់រួចហើយ។
ក្រោយហេតុការណ៍បង្កគ្រោះថ្នាក់ខាងលេី លោកឧត្តមសេនីយ៍ទោ សម សាមួន ស្នងការ នគរបាលខេត្ដកំពង់ស្ពឺ បានបញ្ជាឱ្យជំនាញចរាចរណ៍ និងអធិការនគរបាលស្រុកសំរោងទង សហការស្រាវជ្រាវរកបុគ្គលជាអ្នកបេីកបរ មកទទួលខុសត្រូវចំពោះហេតុការណ៍ដែលបានបង្កឡេីង ឱ្យមានការខូចខាតនិងរងរបួសធ្ងន់ស្រាល ដល់បងប្អូនកម្មករ កម្មការិនី បន្ថែមទោសទណ្ឌ និងលេីច្បាប់ចរាចរណ៍បន្ថែម។ តេីអ្នកបេីកបរត្រូវទទួលបែបណារាល់ការប្រព្រឹត្ដ និងបង្កឱ្យមានព្យសនកម្មដល់អ្នកដំណេីរដែលផ្ញេីវាសនាលេីខ្លួន។
លោកស្នងការបន្តថា អ្នកបើកបរឈ្មោះ គា ទីណា ភេទប្រុស អាយុ ២៤ឆ្នាំ រស់នៅភូមិកណ្ដក់ ឃុំព្រៃក្រសាំង ស្រុកសាមគ្គីមុនីជ័យ គួរតែចូលខ្លួនមកដេីម្បីគេចពីការទទួលខុសត្រូវ ៕(ដោយ សំណាង៩៦)