កណ្ដាល ៖ មានករណីគ្រោះអគ្គិភ័យឆាបឆេះផ្ទះមួយខ្នង នៅចំណុចក្នុងភូមិបត្តាជី សង្កាត់ព្រែកហូរ ក្រុងតាខ្មៅខេត្តកណ្តាល កើតឡើងនាថ្ងៃសៅរ៍ ទី១៩ ខែសីហា ឆ្នាំ២០២៣ វេលាម៉ោង៩និង៤៥ នាទីយប់ ។ មូលហេតុបណ្តាលមកពីឆ្លងចរន្តអគ្គិសនី ទុស្សេខ្សែភ្លើង ។
សមត្ថកិច្ចនិយាយថា ម្ចាស់ផ្ទះរងគ្រោះឈ្មោះ ហ៊ុន សុភា ភេទប្រុស អាយុ៥៦ឆ្នាំ ជនជាតិខ្មែរ មុខរបររត់កង់បីឥណ្ឌាមានទីលំនៅកើតហេតុខាងលើ។ ផ្ទះដែលឆេះសង់អំពីថ្មក្រោមឈើ លើដំបូលប្រក់ស័ង្កសី ជញ្ជាំងក្តារមានប្រវែង០៧គុណនឹង០៩ ម៉ែត្រ ។
ចំពោះសម្ភាររងខូចខាត រួមមាន រថយន្តCRV ពណ៌ខ្មៅ ចំនួនមួយគ្រឿង, ម៉ូតូកង់បីឥណ្ឌាពណ៌ស ចំនួនមួយគ្រឿង,ម៉ូតូហុងដាគុបចំនួនមួយគ្រឿង,កង់ចំនួនមួយគ្រឿង, លុយចំនួន ២០០០ ដុល្លារ,ទូរទស្សន៍ចំនួនមួយគ្រឿង:ឯកសារសៀវភៅស្នាក់នៅ សៀវភៅគ្រួសារ អត្តសញ្ញាណប័ណ្ណ និង សម្ភារប្រើប្រាស់ក្នុងផ្ទះមួយចំនួនទៀត។
ភ្លាមៗនោះកងកម្លាំងបង្ការពន្លត់អគ្គិភ័យនិងសង្គ្រោះខេត្តបានប្រេីប្រាស់រថយន្តពន្លត់អគ្គិភ័យរបស់ការិយាល័យនៃស្នងការដ្ឋាននគរបាលខេត្តកណ្ដាលចំនួន ០២ គ្រឿង ប្រើប្រាស់ទឹកអស់ចំនួន ០២ រថយន្ត ,រថយន្តពន្លត់អគ្គិភ័យរបស់បញ្ជាការដ្ឋានអង្គរក្សចំនួន ០១ គ្រឿង ប្រើប្រាស់ទឹកចំនួន ០១ រថយន្ត។ សរុបការប្រើប្រាស់ទឹកអស់ចំនួន០៣រថយន្ត ហើយរលត់ជាស្ថាពរនៅវេលាម៉ោង១០នោង៥០ នាទីយប់ ថ្ងៃខែឆ្នាំដដែល៕(ដោយ ធ្នូជ័យ)
