កំពង់ស្ពឺ ៖ មានឧប្បទ្ទហេតុគ្រោះថ្នាក់ចរាចរណ៍រថយន្តសុីទែនដឹកហ្គាស បុកប៉ះជាមួយរថយន្តប្រភេទទេសចរណ៍ នៅចំណោតពេជ្រនិល លោកយាយម៉ៅពេជ្រនិល ផ្លូវជាតិលេខ៤ ចន្លោះគីឡូម៉ែត្រ១០៣-១០៤ ភូមិទី៦ ឃុំយាយម៉ៅពេជ្រនិល ស្រុកភ្នំស្រួច ខេត្ដកំពង់ស្ពឺ នាថ្ងៃទី៣១ សីហា ឆ្នាំ២០២៣វេលាម៉ោង ១១និង ៣០នាទី ។
សមត្ថកិច្ចនិយាយថា ភាគីរថយន្ត០១គ្រឿង ម៉ាកSHACMAN ពណ៌ស ពាក់ស្លាកលេខភ្នំពេញ3G-1758 សណ្តោងរ៉ឺម៉ក ពណ៌ស ពាក់ស្លាកលេខ ភ្នំពេញ4B-0249 អ្នកបើកបរមិនស្គាល់អត្តសញ្ញាណ(ចុះរត់គេច)បេីកបរពីទិសខាងកើតទៅទិសខាងលិច ។
លុះមកដល់ចំណុចខាងលេីបានបុករថយន្ត០១គ្រឿង ម៉ាកហ៉ីយ៉ាន់ដាយ ពណ៌លឿង ពាក់ស្លាកលេខ ភ្នំពេញ3C-3445 សណ្តោងរ៉ឺម៉ក ពណ៌លឿង ពាក់ស្លាកលេខភ្នំពេញ 4A-1424 អ្នកបើកបរមិនស្គាល់អត្តសញ្ញាណ រួចបន្តទៅបុករថយន្ត០១គ្រឿងទៀត ម៉ាកFORD TRANST ពណ៌ខៀវ ពាក់ស្លាកលេខ ភ្នំពេញ3F-5325 អ្នកបើកបរមិនស្គាល់អត្តសញ្ញាណ ដែលកំពុងបើកបរបញ្រ្ចាសទិសគ្នា ។
សមត្ថកិច្ចបន្តថា ក្នុងករណីគ្រោះថ្នាក់ខាងលេីបណ្ដាលឱ្យ មនុស្សម្នាក់ភេទប្រុសបាត់បង់ជីវិតនៅកន្លែងកើតហេតុនិងរងរបួសស្រាលធ្ងន់ស្រាល មួយចំនួន,ឯរថយន្ត០៣គ្រឿង ធ្ងន់០២គ្រឿង ។ សមត្ថកិច្ចបញ្ជាក់ថា «មូលហេតុបណ្ដាលមកពី រថយន្តដឹកហ្គាសបើកក្នុងស្ថានភាពមេឃភ្លៀងរអិល»។
បច្ចុប្បន្នកងកម្លាំងនគរបាលស្រុកភ្នំស្រួចបាននិងកំពុងសម្រួលចរាចរណ៍នៅកន្លែងកើតហេតុ ជៀសវាងបង្កឱ្យមានការកកស្ទះចរាចរណ៍៕(ដោយ សំណាង៩៦)
