ភ្នំពេញ ៖ នៅថ្ងៃទី៣១ ខែសីហា ឆ្នាំ២០២៣នេះ ជាថ្ងៃទី២ នៃវគ្គបណ្តុះបណ្តាលស្តីពី «ការប្រើប្រាស់ប្រព័ន្ធទំនាក់ទំនងសង្គមប្រកបដោយប្រសិទ្ធភាព និងសុវត្ថិភាពសម្រាប់អ្នកសារព័ត៌មាន» ទៅដល់អ្នកសារព័ត៌មាន ដែលបានចូលរួមជាង៤០នាក់ មកពីស្ថាប័នផ្សេងៗគ្នា រៀបចំធ្វើឡើងនៅវិទ្យាស្ថានអភិបាលកិច្ចឌីជីថល ស្ថិតនៅសង្កាត់ព្រែកលៀប ខណ្ឌជ្រោយចង្វា រាជធានីភ្នំពេញ។
ប្រធានបទទី១ ស្តីពី «កម្មវិធីផលិតភាពរបស់ទូរសព្ទដៃ» ដែលសិក្ខាកាមនឹងទទួលបាន៖ ស្វែងយល់អំពីមាតិកាហ្វេសប៊ុក -ស្វែងយល់អំពីកម្មវិធីថត និងកាត់តវិឌីអូតាមទូរសព្ទដ
-ចេះប្រើប្រាស់កម្មវិធីផលិតភាពលើទូរសព្ទដៃ ដែលជួយសម្រួលការងារប្រចាំថ្ងៃ -ចេះថត និងកាត់តវិឌីអូតាមទូរសព្ទដៃ។ ប្រធានបទទី២ ស្តីពី «ការថតរូប ថតវីឌីអូ និងកាត់តវីឌីអូ ដោយប្រើប្រាស់កម្មវិធីផលិតភាព លើទូរសព្ទដៃ» ។
សូមៈម្រាបថា វគ្គបណ្តុះបណ្តាលរយៈពេល ២ថ្ងៃនេះ ធ្វើឡើងដោយ ក្លិបអ្នកកាសែតកម្ពុជា (ក.អ.ក) សហការជាមួយក្រសួងប្រៃសណីយ៍ និងទូរគមនាគមន៍ រៀបចំដោយ វិទ្យាស្ថានអភិបាលកិច្ចឌីជីថល (Institute of Digital Governance) ក្នុងគោលបំណង ដើម្បីផ្តល់ឱកាសដល់អ្នកសារព័ត៌មាន នូវចំណេះដឹងបន្ថែម អំពីការប្រើប្រាស់កម្មវិធីថត កាត់តវីដេអូតាមទូរស័ព្ទដៃ ការEditរូបថត ដាក់ក្រេឌីតលើរូបថតដោយប្រើទូរស័ព្ទដៃ និងការប្រើប្រាស់បណ្តាញទំនាក់ទំនងសង្គម ( Messenger, Telegram, What’s App ) ជាដើម៕ ដោយ ៖ ប៉ូច គឹមសុខ