ភ្នំពេញ ៖ មានករណីអគ្គីភ័យឆេះផ្ទះលោកស្រីនាយិកាសាលាឯកជនម្នាក់ កើតឡើង នៅចំណុចផ្ទះលេខ១៧ ផ្លូវលេខ៣៦៨ ភូមិ៦ សង្កាត់បឹងកេងកង៣ ខណ្ឌបឹងកេងកង រាជធានីភំ្នពេញ កាលពីវេលាម៉ោង០៣រំលងអធ្រាត្រ ថ្ងៃពុធ ទី០៦ខែកញ្ញាឆ្នាំ២០២៣ ដោយមូលហេតុដោយសារឆ្លងចរន្តអគ្គិសនី ចេញពីកង្ហារបឺតខ្យល់ ។
សមត្ថកិច្ចនិយាយថា ម្ចាស់ទីតាំងឈ្មោះលី កីក្វាង ភេទស្រី អាយុ៥៥ឆ្នាំ មុខរបរនាយកសាលាឯកជន ។ អគារដែលឆេះសង់អំពីថ្មបេតុង មានទំហំ១២ម៉ែត្រគុណនឹង២៥ម៉ែត្រ បណ្តាលឱ្យឆេះខូចខាតសម្ភារកង្ហារបឺតខ្យល់ចំនួន២ដំបូលយ៉ាបមុខផ្ទះទំហំ០៤ម៉ែត្រគុណនឹង០៤ម៉ែត្រ អស់ទាំងស្រុង តែពុំបានឆេះរាលដល់ផ្ទះអ្នកក្បែរឬរងរបួសដល់មនុស្សឡើយ។
ភ្លាមៗនោះមានរថយន្តការិយាល័យពន្លត់អគ្គិភ័យចំនួន០៣គ្រឿង ប្រើប្រាស់ទឹកអស់ចំនួន ០៣ឡាន ហើយរលត់ទាំងស្រុង នៅម៉ោង ០៣និង៣០នាទី នាថ្ងៃខែឆ្នាំដដែល៕(ដោយ ធ្នូជ័យ)
