ភ្នំពេញ ៖ បុរសម្នាក់បានបាត់បង់ជីវិត ក្រោយមានអការៈមិនស្រួលខ្លួន ( ឈឺសន្លាក់ជេីង ) ហៅគ្រូពេទ្យឯកជនមកពិនិត្យ រួចក៏ដាក់សេរ៉ូមអស់២កំផ្លោក ស្លាប់តែដាច់ខ្យល់ បង្កការភ្ញាក់ផ្អេីលកា លពីវេលាម៉ោង២រសៀល ថ្ងៃទី២២ ខែកញ្ញា ឆ្នាំ២០២៣ នៅភូមិអង្គ សង្កាត់ចោមចៅទី៣ ខណ្ឌពោធិ៍សែនជ័យ ភ្នំពេញ ។
ជនរងគ្រោះឈ្មោះ វ៉ា ចាន់ណា ភេទប្រុសអាយុ៣៧ឆ្នាំ មានប្រពន្ធឈ្មោះកែវ សុផល អាយុ៣៧ឆ្នាំ មុខរបរលក់ចង្រឹត ស្នាក់នៅចំណុចកើតហេតុ មានស្រុកកំណេីតខេត្តកែវ ចំណែកគ្រូពេទ្យដែលសមត្ថកិច្ចឃាត់ខ្លួន ឈ្មោះជា សុវណ្ណដា ភេទប្រុសអាយុ៣៥ឆ្នាំ ស្នាក់នៅភូមិកើតហេតុ ។
ប្រពន្ធជនរងគ្រោះបានឱ្យដឹងថា មុនពេលកេីតហេតុ ប្តីរបស់គាត់ឈឺសន្លាក់ជេីង ពេលនោះក៏បានហៅគ្រូពេទ្យឯងជនខាងលើមកពិនិត្យ រួចក៏បានដាក់សេរ៉ូមមួយកំផ្លោក ពេលអស់មួយកំផ្លោកហេីយក៏ ដាក់បញ្ចូលមួយកំផ្លោកទៀតបាន មួយស្ទុះស្រាប់តែធ្វេីទុក្ខខ្លាំង ទើបដឹកតាមរថយន្តទៅមន្ទីរពេទ្យ សម្ភពនិងព្យាបាលមាតាអូឌឹម ពេលទៅដល់មន្ទីរពេទ្យក្រុមគ្រូពេទ្យបានបញ្ជាក់ថា ប្ដីគាត់បានស្លាប់បាត់ទៅហេីយ។
ក្រោយមកក៏ដឹកសពមកតម្កល់ទុក នៅវត្តជម្ពូវ័ន និងរាយការណ៍ទៅសមត្ថកិ ច្ចដេីម្បីពិនិត្យកោសល្យវិច័យ។ បន្ទាប់ពីទទួលបានព័ត៌មានភ្លាម សមត្ថកិច្ចបានឃាត់ខ្លួនគ្រូពេទ្យខាងលេី ដេីម្បីសួរនាំ៕ ដោយ ៖ ពិសីសែនជ័យ
