ភ្នំពេញ ៖ យុវជនម្នាក់តូចចិត្តសង្សារបែកចិត្តទៅភ្ជាប់ពាក្យជាមួយអ្នកថ្មី ក៏តូចចិត្តជិះម៉ូតូមកអង្គុយយំនៅស្ពានជ្រោយចង្វារ ប៉ុនប៉ងលោតចូលក្នុងទឹកទន្លេ ត្រូវបានប្រជាពលរដ្ឋនិងសមត្ថកិច្ចឃាត់ជាប់នាំមកកាន់ប៉ុស្តិ៍នគបាលជ្រោយចង្វារ កាលពីវេលាម៉ោង៨និង២០នាទីព្រឹក ថ្ងៃទី២៥ កញ្ញាឆ្នាំ២០២៣ ។
ប្រភពព័ត៌មានពីសមត្ថកិច្ចបានប្រាប់ឱ្យដឹងថា យុវជនដែលប៉ុនប៉ងលោតទឹកបញ្ចប់ជីវិតខ្លួននោះមិនប្រាប់ពីអត្តសញ្ញាដល់សមត្ថកិច្ចឡេីយ បេីមេីលតាមលិខិតបណ្តាំយុវជននោះមានឈ្មោះថា «ស៉ី ធូ»អាយុប្រហែល១៧ឆ្នាំ ។
ប្រភពបន្តថា មុនកេីតហេតុ គេឃើញយុវជនរូបនោះ ជិះម៉ូតូម៉ាកហុងដា ប៊ីត ពណ៌ស លាយខៀវ ពាក់ស្លាកភ្នំពេញ1KG-9556 ធ្វេីដំណេីរឡេីងស្ពានជ្រោយ ទិសដៅពីលិចទៅកេីត ។ ខណៈធ្វើដំណើរមកដល់ពាក់កណ្ដាលស្ពាន ក៏ឈប់ម៉ូតូអង្គុយយំ។
ភ្លាមៗប្រជាពលរដ្ឋប្រទះឃើញក៏មករាយការណ៍ប្រាប់សមត្ថកិច្ចចរាចរណ៍ប្រចាំការនៅរង្វង់មូលកួចកាណុង ។ បន្ទាប់ពីសមត្ថកិច្ចទទួលបានសេចក្ដីរាយការណ៍ក៏ឡេីងទៅមេីលប្រទះឃើញយុវជននោះ អង្គុយយំក្នុងដៃមានកាន់លិខិតបណ្តាំមួយច្បាប់ ផ្តាំទៅ យុវតីឈ្មោះ« អូនណា»បន្ទាប់មកសមត្ថកិច្ច ក៏ឃាត់យុវជននោះនាំមកកាន់ប៉ុស្តិ៍នគរបាលជ្រោយចង្វារដេីម្បីទំនាក់ទំនងរកសាច់ញាតិមកទទួល ៕(ដោយ ប៉ូច គឹមសុខ)