កំពង់ស្ពឺ ៖ ក្រុមការងារប្រតិកម្មរហ័ស ស្នងការដ្ឋាននគរបាលខេ ត្ដទទួលបានព័ត៌មានតាម បណ្ដាញសង្គម tik tok កាលពីថៃ្ងទី១២ ខែតុលា ឆ្នាំ២០២៣ នៅចំណុចវត្តសុច័ន្ទគីរី(ហៅវត្តភ្នំចាស់) ស្ថិតនៅភូមិមនោរម្យ ឃុំហោងសំណំ ស្រុកឱរ៉ាល់ មានករណីហិង្សាដោយចេតនា បង្កឡេីងដោយក្មេងទំនើងមួយក្រុម ធ្វើសកម្មភាពដេញវាយគ្នា កាប់បំផ្លាញម៉ូតូជនរងគ្រោះ រួចនាំគ្នាជិះម៉ូតូគេចខ្លួនបាត់អស់ ។
ដោយទទួលបានបទបញ្ជា និងការចង្អុលណែនាំ ពីលោកឧត្ដមសេនីយ៍ទោ សម សាមួន ស្នងការ នគរបាលខេត្ដកំពង់ស្ពឺ ជំនាញព្រហ្មទណ្ឌខេត្ដ ដឹកនាំចុះសហការស្រាវជ្រាវ ឈានទៅកំណត់បានមុខសញ្ញាពាក់ព័ន្ធ ឃាត់សង្ស័យបាន ចំនួន ៤នាក់ក្នុងចំណោម១០នាក់ នៅថ្ងៃទី១៥និង១៦ ខែតុលា ។
យោងតាមចម្លេីយជនសង្ស័យបានប្រាប់ថា បក្ខពួករបស់ខ្លួនមានច្រេីន ប៉ុន្តែដោយសារតែឃេីញ ព័ត៌មានតាមបណ្ដាញសង្គម tik tok បានរត់គេចខ្លួនពួនសម្ងំលាក់ខ្លួនពីការតាមចាប់របស់សមត្ថកិច្ច ក្នុងនោះមានចំនួន០៦នាក់ ។ បច្ចុប្បន្នសមត្ថកិច្ច បានកសាងសំណុំរឿង បញ្ជូនទៅតុលាការ ចំណាក
នីតិវិធីបន្ដ រីឯបក្ខពួកសេសសល់ជំនាញបន្ដសហការស្រាវជ្រាវនិងស្នេីសុំដីកាតុលាការតាមប្រមាញ់យកមកផ្ដន្ទាទោសតាមច្បាប់ ៕ ដោយ ៖ គា សំណាង
