ភ្នំពេញ ៖ បុរសម្នាក់ក្រោយពីទំនេរពីការងារឆ្លៀតរាយខ្សែភ្លៀងដើម្បីឆក់ត្រីយកមកធ្វេីម្ហូបបែរជាភ្លាត់ស្នៀតឆក់ខ្លួនឯងផុតជីវិត បង្កការភ្ញាក់ផ្អេីលកាលពីវេលាម៉ោង៤ រសៀលថ្ងៃទី២៥ ខែវិច្ឆិកា ឆ្នាំ២០២៣ នៅចំណុចក្រោយសាលាបឋមសិក្សាជម្ពូវ័ន ភូមិជម្ពូវ័ន១ សង្កាត់ចោមចៅទី៣ ខណ្ឌពោធិ៍សែនជ័យ។
សមត្ថកិច្ចនិយាយថា ជនរងគ្រោះឈ្មោះសួន ចន្ទវិច្ឆិកា ភេទប្រុសអាយុ៣០ឆ្នាំ មុខរបរនៅផ្ទះ ស្នាក់នៅភូមិជម្ពូវ័ន្ត១សង្កាត់ចោមចៅទី៣ ខណ្ឌពោធិ៍សែនជ័យ។
តាមប្រភពព័ត៌មានបានឱ្យដឹងថា មុនពេលកេីតហេតុជនរងគ្រោះបានយកខ្សែភ្លើងតរាយដើម្បីឆក់ត្រីនៅក្នុងវាលស្រែក្បែរផ្ទះដើម្បីយកទៅធ្វើម្ហូប,បន្ទាប់មកស្រាប់តែខ្សែភ្លើងមានដំណរប៉ះទឹកក៏ឆក់ខ្លួនឯង ភ្លាមនោះអ្នកជិតខាងឃើញដូចនេះក៏រត់ទៅដកខ្សែភ្លើងដើម្បីជួយសង្គ្រោះ,តែអកុសលជនរងគ្រោះផុតជីវិតបាត់ទៅហើយ។
ក្រោយកើតហេតុសមត្ថកិច្ចមូលដ្ឋានចុះទៅដល់ចំណុចកេីតហេតុទាក់ទងទៅសមត្ថកិច្ចជំនាញមកធ្វើ កោសល្យវិច័យបញ្ជាក់ថា«គ្រោះថ្នាក់ដោយឆក់ចរន្តអគ្គិសនី» រួចប្រគល់សពទៅក្រុមគ្រួសារយកទៅធ្វើបុណ្យតាមប្រពៃណី៕(ដោយ៖ សែនជ័យពិសី)
