កំពង់ស្ពឺ ៖ នគរបាលស្រុកសំរោងទង បានទទួលកូនចោរម្នាក់ ដែលតំណាងក្រុមហ៊ុនចាប់ប្រគល់ជូនមកកាលពីថៃ្ង ២៧ វិច្ឆិកា ២០២៣ បន្ទាប់ពីបានធ្វើសកម្មភាពលួចខ្សែភ្លេីង នៅក្រុមហ៊ុនកិនថ្មHTTK ស្ថិតនៅនៅភូមិព្រៃវាវ ឃុំធម្មតាអរ ស្រុកសំរោងទង ខេត្តកំពង់ស្ពឺ ។
នគរបាលនិយាយថា ឈ្មោះ ស្វិត វុទ្ធី ភេទប្រុស អាយ៤១ឆ្នាំ តំណាងក្រុមហ៊ុនកិនថ្មHTTK ស្ថិតនៅនៅភូមិព្រៃវាវ ឃុំធម្មតាអរ ស្រុកសំរោងទង ខេត្តកំពង់ស្ពឺ ជាមេការគ្រប់គ្រងការដ្ឋានកិនថ្មបានឃាត់ឈ្មោះ អឿន ចិត្រា ភេទប្រុសអាយុ៣០ឆ្នាំ នៅភូមិសំរោងទងកណ្តាល ឃុំសំរោងទង ស្រុកសំរោងទង ខេត្តកំពង់ស្ពឺ ប្រគល់ឱ្យសមត្តកិច្ច រួមជាមួយសម្ភារវត្ថុតាង ពាក់ព័ន្ធករណី លួចកាត់ខ្សែភ្លើង របស់ក្រុមហ៊ុន។
សមត្ថកិច្ចដកហូតបានសម្ភារវត្ថុតាងរួមមាន ម៉ូតូ១គ្រឿង ម៉ាកប៊ិត ពណ៌សខៀវ ពាក់ស្លាកលេខ កំពង់ស្ពឺ1Y.2149 , កន្ត្រៃ១ , កូនកាំបិត១ និង ខ្សែភ្លើងមួយចំនួន។
ក្រោយសមត្ថកិច្ចសាកសួរជនសង្ស័យឆ្លើយសារភាពថា «ពិតជាបានធ្វើសកម្មភាពលួចកាត់ខ្សែភ្លើងពិតប្រាកដមែនប៉ុន្ដែលួចជាមួយឈ្មោះ ស ដ ភេទប្រុស អាយុ៣៤ឆ្នាំ (គេចខ្លួន)»។ តែខាងក្រុមហ៊ុនថា លួចច្រើនលើកមកហើយ ។
បច្ចុប្បន្នជនសង្ស័យរួមជាមួយវត្ថុតាង នគរបាលស្រុកសំរោងទង បានកសាងសំណុំរឿង បញ្ជូនទៅកាន់ស្នងការដ្ឋាននគរបាលខេត្ដកំពង់ស្ពឺ ចាត់ការតាមនីតិវិធី៕(ដោយ ប៉ូច គឹមសុខ)