ភ្នំពេញ ៖ បុរសម្នាក់បានបាត់បង់ជីវិត ខណៈបើរថយន្តត្រូវរថយន្តដឹកខ្សាច់មកបុក នៅម៉ោង១២យប់រំលងអធ្រាត្រ ចូលថ្ងៃអាទិត្យ ទី១៧ ខែធ្នូ ឆ្នាំ២០២៣ ស្ថិតនៅផ្លូវ៦០ម៉ែត្រ ខាងត្បូង ស្តុបផ្សារទំនេីបAEON-3 ចម្ងាយ១០០ម៉ែត្រ សង្កាត់ជេីងឯក ខណ្ឌដង្កោ រាជធានីភ្នំពេញ ។
សាក្សីនិយាយថា រថយន្តដឹកខ្សាច់ ជាប្រភេទរថយន្តធុនធំ ម៉ាកDONGFENG ស្លាកលេខ ភ្នំពេញ 3F-0984 ដឹកខ្សាច់ពេញលេីរថយន្ត បេីកលឿនក៏រេចង្កូតចូលគន្លងម្ខាងទៀត បុករថយន្ត Ford Ranger ស្លាកលេខភ្នំពេញ 2BK-7858 រុញផ្ទប់ជាប់គ្នាឡេីងចិញ្ចេីមផ្លូវ រួញកៀបបុរសម្ចាស់រថយន្តដាច់ខ្យល់ជាប់ក្នុងកាប៊ីន រីឯតៃកុងរថយន្តដឹកខ្សាច់រត់ចូលព្រៃបាត់ ។
បន្ទាប់ពីទទួលបានដំណឹងនេះ លោកឧត្តមសេនីយ៍ទោ សូយ ណារិទ្ធ មេបញ្ជាការរងកងពលតូចលេខ៧០ ទទួលបន្ទុកក្រុមសង្គ្រោះ៧១១ បានបញ្ចេញរថយន្តវះកាត់ដែកប្រេីថាមពលខ្យល់, រថយន្តបំពាក់ភ្លេីងហ្វា, និងរថយន្តសង្គ្រោះបន្ទាន់ ចេញពី បន្ទាយកងពលតូចលេខ៧០ ដេីម្បីធ្វេីការអន្តរាគមន៍ យកសពជនរងគ្រោះ ចេញពីក្នុងកាប៊ីន ៕ (ដោយ ៖BBN19)
