ភ្នំពេញ ៖ ក្មេងប្រុសម្នាក់ ទើបចេញពីរៀនគួរ ជិះម៉ូតូទៅផ្ទះត្រូវរថយន្តបុកពីក្រោយកិនស្លាប់ កាលពីវេលា ម៉ោង១០និង៤០នាទីព្រឹក ថ្ងៃទី២៧ ខែធ្នូ ឆ្នាំ២០២៣ នៅចំណុចផ្លូវ ក្បែរស្ពានអាកាសឈ្នះឈ្នះ ស្ថិតក្នុងភូមិជម្ពូវ័ន២ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ ។
ជនរងគ្រោះឈ្មោះ ព្រីង លៃហួយ អាយុ១៣ឆ្នាំ ជាសិស្ស មានទីលំនៅក្បែរចំណុចកើតហេតុ ជិះម៉ូតូម៉ាកស្កុបពី ពណ៌ខ្មៅ ពាក់ស្លាកលេខ ភ្នំពេញ 1KL-7610 ចំណែករថយន្តជាប្រភេទដឹកកុងតឺន័រ ក្រុមហ៊ុនផែស្ងូតសុកន ពណ៌ខៀវ ពាក់ស្លាកលេខ ភ្នំពេញ3D-8479 បើកបរដោយ ឈ្មោះ គាត គឿន ភេទប្រុស អាយុ២៧ឆ្នាំ ( ឃាត់ខ្លួនបាន ) ។
តាមប្រភពព័ត៌មានបានឱ្យដឹងថា មុនពេលកេីតហេតុ គេបានឃេីញជនរងគ្រោះ ជិះម៉ូតូធ្វេីដំណេីរតាម មហាវិថីឈ្នះឈ្នះ ក្នុងទិសដៅពីត្បូងទៅជេីង ( ពាក់មួកសុវត្ថិភាព) មានស្ពាយកាតាបទេីបចេញរៀន បំណងទៅផ្ទះ ខណៈមកដល់ចំណុចកេីតហេតុស្រាប់តែរថយន្តធ្វេីដំណេីរមកពីក្រោយ យ៉ាងលឿនជ្រុលបុកនិងកិនបណ្តាល ជនរងគ្រោះស្លាប់តែម្ដង ។
ក្រោយកេីតហេតុ សមត្ថកិច្ចធ្វេីការវាស់វែង យករថយន្តនិងម៉ូតូទៅរក្សាទុក រង់ចាំដោះស្រាយពេលក្រោយ ចំណែកសព ត្រូវក្រុមគ្រួសារ យកទៅធ្វេីបុណ្យតាមប្រពៃណី៕ ដោយ ៖ BBN19