ភ្នំពេញ៖ នារីជាកម្មការិនីរោងចក្រម្នាក់បានស្លាប់យ៉ាងខណៈជិះកង់ទៅធ្វេីការត្រូវរថយន្តឃ្លប់ដឹកដែកបេីកបុកពីក្រោយកិន កាលពីវេលាម៉ោង៦និង៥០នាទីព្រឹក ថ្ងៃទី២៨ ខែមករា ឆ្នាំ២០២៤ នៅលេីកំណាត់ផ្លូវជាតិលេខ៣ សង្កាត់ចោមចៅទី២ ខណ្ឌពោធិ៍សែន។
ជនរងគ្រោះបេីយោងតាមកាតធ្វេីការមានឈ្មោះ រេី ប៊ុនរ៉េត ធ្វេីការនៅរោងចក្រ វាយអេស មេនូហ្វេកឆឺរីង(ខេមបូឌា)។
តាមប្រភពព័ត៌មានបានឱ្យដឹងថា មុនពេលកេីតហេតុគេបានឃេីញនារីរងគ្រោះជិះកង់ធ្វេីដំណេីរតាមបណ្តោយផ្លូវជាតិលេខ៣ក្នុងទិសដៅពីត្បូងទៅជេីងបំណងទៅធ្វេីការរោងចក្រខណៈមកដល់ចំណុចកេីតហេតុស្រាប់តែមានរថយន្តឃ្លប់ ដឹកដែក ពាក់ស្លាកលេខភ្នំពេញ3B 7729 ធ្វេីដំណេីរក្នុងល្បឿនលឿនមកពីក្រោយជ្រុលបុកនឹងកិនអូសជាង១០ម៉ែត្របណ្តាលឱ្យនារីរងគ្រោះស្លាប់យ៉ាងអាណោចអាធម៌ ភ្លាមនោះប្រជាពលរដ្ឋបានឃាត់ខ្លួនតៃតុងរថយន្តបានរួចប្រគល់ជូនសមត្ថកិច្ចដេីម្បីចាត់ការតាមនីតិវវិធី។
ក្រោយកេីតហេតុសមត្ថកិច្ចបានចុះមកដល់ចំណុចកេីតហេតុនាំខ្លួនតៃកុងរថយន្តទៅប៉ុស្តិ៍នគរបាលចោមចៅទី២បណ្តោះអាសន្នសិនរងចាំប្រគល់ជូនជំនាញការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញ ដោយឡែកសពជនរងគ្រោះសមត្ថកិច្ចប្រគល់ជូនក្រុមគ្រួសារមកទទួលយកទៅធ្វេីបុណ្យតាមប្រពៃណីនៅស្រុកកំណេីត៕ដោយ៖BBN19