ភ្នំពេញ ៖ មានករណីគ្រោះអគ្គិភ័យឆាបឆេះផ្ទះ មួយកន្លែង ដែលស្ថិតនៅក្នុងភូមិតាងូវ សង្កាត់និរោធ ខណ្ឌច្បារអំពៅ រាជធានីភ្នំពេញ នាវេលាម៉ោង ១និង២៥នាទីរសៀល ថ្ងៃទី០៦ ខែកុម្ភៈ ឆ្នាំ២០២៤នេះ ដោយមូលហេតុឆ្លងចរន្តអគ្គិសនីពីកង់អាគុយ។
សមត្ថកិច្ចនិយាយថា ម្ចាស់ផ្ទះឈ្មោះប៉ា រីតា ភេទប្រុស អាយុ៣២ឆ្នាំ ជនជាតិខ្មែរ មុខរបរកង់អាគុយ ប្រភេទសំណង់ដែលឆេះសង់ពីថ្មបេតុងទំហំ ៤,៥ម៉ែត្រគុណនឹង១៨ម៉ែត្រ បណ្តាលឱ្យឆេះកង់អគ្គិសនីអស់៧០ភាគរយ ហើយពុំបណ្តាលឱ្យឆេះរាលដាលដល់អ្នកក្បែរខាងឬរបួដល់មនុស្សឡើយ ។
ភ្លាមនោះមានរថយន្តការិយាល័យពន្លត់អគ្គិភ័យចំនួន ០៣គ្រឿង ប្រេីប្រាស់ទឹកអស់ចំនួន ០២ឡាន និង រថយន្តអគ្គិភ័យសាលាខណ្ឌច្បារអំពៅចំនួន ០១ឡាន ប្រើប្រាស់ទឹកអស់ចំនួន ០១ឡាន ហើយពន្លត់ចប់នៅម៉ោង២និង១០នាទីរសៀល នាថ្ងៃខែ ឆ្នាំដដែល៕ (ដោយ ប៉ូច គឹមសុខ)