ភ្នំពេញ ៖ មានករណីគ្រោះអគ្គីភ័យឆេះសិប្បកម្មផលិតកែវក្រដាសខេស៊ី កើតឡើងនៅចំណុចផ្ទះលេខC-97 ផ្លូវលេខMaha C សង្កាត់ក្រាំងធ្នង់ ខណ្ឌសែនសុខ កើតឡើងនាវេលាម៉ោង០៩និង៥០នាទីព្រឹក ថ្ងៃព្រហស្បតិ៍ ទី១៥ ខែមេសា ឆ្នាំ២០២៤ ដោយមូលហេតុឆ្លងចរន្តអគ្គិសនី ។
សមត្ថកិច្ចនិយាយថា ម្ចាស់ទីតាំងឈ្មោះឡុង កញ្ចរា ភេទស្រី អាយុ៣២ឆ្នាំ ជនជាតិ ខ្មែរ មុខរបរម្ចាស់សិប្បកម្មផលិតកែវក្រដាសខេស៊ី។ ប្រភេទសំណង់ដែលឆេះសង់អំពី ថ្មបេតុងជាន់ទី១ មានទំហំ០៤ម៉ែត្រគុណនឹង១៦ម៉ែត្រ បណ្តាលឱ្យឆេះខូចខាតសម្ភារ រួមមានម៉ាសុីនត្រជាក់០១គ្រឿង កែវនិងក្រដាសសម្ភារមួយចំនួនទៀត ហើយពុំបានឆេះរាលដាលដល់អ្នកក្បែរខាងឬរងរបួសដល់មនុស្សឡើយ ។
ភ្លាមៗនោះមានរថយន្តការិយាល័យពន្លត់អគ្គិភ័យចំនួន ០៥គ្រឿង ប្រេីប្រាស់ទឹកអស់ចំនួន ០៣ឡាន ហើយពន្លត់ចប់នៅម៉ោង១០និង៣០នាទី នាថ្ងៃខែ ឆ្នាំដដែល៕(ដោយ ប៉ូច គឹមសុខ)