ស រ អា ៖ បុរសម្នាក់ក្នុងរដ្ឋ Michigan កំពុងប្រឈមនឹងការជាប់ពន្ធនាគារអស់មួយជីវិត បន្ទាប់ពីកូនស្រីអាយុពីរឆ្នាំរបស់គាត់បានបាញ់ខ្លួនឯងចំមុខនឹងកាំភ្លើងខ្លីពីក្បែរគ្រែដេក ហើយពេលនេះកំពុងស្ថិតក្នុងស្ថានភាពធ្ងន់ធ្ងរ។
លោក Michael Tolbert អាយុ ៤៤ ឆ្នាំមកពីទីក្រុង Flint មិនបានសារភាពកំហុសទេ បន្ទាប់ពីក្លាយជាមនុស្សដំបូងដែលត្រូវបានចោទប្រកាន់ក្រោមច្បាប់ថ្មីរបស់រដ្ឋ ដែលតម្រូវឱ្យមានការរក្សាទុកកាំភ្លើងដោយសុវត្ថិភាព។
ការចោទប្រកាន់នេះបានកើតឡើងបន្ទាប់ពីលោក Tolbert បានប្រញាប់ប្រញាល់បញ្ជូនកូនស្រីអាយុ ២ ឆ្នាំរបស់គាត់ទៅមន្ទីរពេទ្យនៅថ្ងៃបុណ្យនៃក្តីស្រឡាញ់ ដោយសារតែនាងបានបាញ់ខ្លួនឯងចំមុខ។
ប៉ូលិសបានរកឃើញ «ឈាម និងបញ្ហាខួរក្បាល» នៅក្នុងបន្ទប់គេងដែលនាងតូចឈ្មោះ Skye បានបាញ់ខ្លួននាងហើយលោក David Leyton ជារដ្ឋអាជ្ញានៅតំបន់ Genesee County បាននិយាយថា «មានអាវុធពីរដើមស្ថិតនៅលើគ្រែ»។
លោក John Potbury ជំនួយការអគ្គរដ្ឋអាជ្ញារងនៃតំបន់ Genesee County បាននិយាយថា លោក Tolbert ត្រូវបានកាត់ទោសកាលពីថ្ងៃចន្ទលើការចោទប្រកាន់ពីបទឧក្រិដ្ឋចំនួន ៩ រួមទាំងបទរំលោភបំពានលើកុមារកម្រិតទី ១ និងបទរំលោភលើច្បាប់នៃការរក្សាទុកកាំភ្លើងរបស់រដ្ឋ Michigan ។
លោក Potbury បាននិយាយថា Skye នៅតែសម្រាកនៅមន្ទីរពេទ្យកាលពីថ្ងៃពុធទី២១កុម្ភៈឆ្នាំ២០២៥ ក្នុងស្ថានភាពធ្ងន់ធ្ងរពីការបាញ់កាលពីថ្ងៃទី ១៤ ខែកុម្ភៈមកម៉្លេះ។ក្មេងស្រីតូចនេះបានបាញ់ខ្លួនឯង មួយថ្ងៃបន្ទាប់ពីច្បាប់សុវត្ថិភាពកាំភ្លើងធំថ្មីរបស់រដ្ឋ Michigan ចូលជាធរមាន។កាំភ្លើងខ្លីមួយដើម និងកាំភ្លើងខ្លីពាក់កណ្តាលស្វ័យប្រវត្តិមួយដើម ត្រូវបានរកឃើញនៅក្នុងផ្ទះគាត់នៅរដ្ឋ Michigan ។
លោក Leyton បាននិយាយថា “«កាំភ្លើងទាំងពីរមិនមានសុវត្ថិភាព និងផ្ទុកគ្រាប់ពេញៗ។ មិនមានសោចាក់កាំភ្លើង ឬទូសុវត្ថិភាពនៅខាងក្នុងបន្ទប់គេងខាងមុខនោះទេ»។ ការស៊ើបអង្កេតបានបញ្ជាក់ថា ការបាញ់មួយគ្រាប់គឺបាញ់ចេញពីកាំភ្លើងខ្លីធម្មតា ហើយរន្ធគ្រាប់កាំភ្លើងត្រូវបានរកឃើញនៅក្នុងពិដាន។
Leyton បាននិយាយថា «គ្រាប់កាំភ្លើងបានចូលភ្នែកខាងស្តាំរបស់ក្មេងស្រីតូច ហើយបានចេញតាមក្រោយលលាដ៍ក្បាលរបស់នាង។ គ្រូពេទ្យបាននិយាយថានាងនឹងបាត់បង់ភ្នែកខាងស្តាំរបស់នាង»។
ម្តាយមីងរបស់ Skye ឈ្មោះ LaDorothy Griggs បាននិយាយថា នាងតូចគឺជា «មនុស្សរីករាយបំផុត កំប្លែង ស្រស់ស្អាត គួរឱ្យស្រលាញ់ និងផ្អែមល្ហែមបំផុត» ហើយថានាង «តស៊ូលំបាកខ្លាំងណាស់សម្រាប់ជីវិតរបស់នាង»៕(ប្រែសម្រួលដោយ លោកសំណាង)
