ភ្នំពេញ ៖ បុរសម្នាក់បានបាត់បង់ជីវិត ណៈពេលជិះម៉ូតូមិនប្រយ័ត្ន ជ្រុលទៅបុករថយន្តពីក្រោយ កំពុងចតស្ងៀមអែបចិញ្ចើមផ្លូវ កាលពីវេលាម៉ោង៩និង៣០នាទីយប់ ថ្ងៃទី២៣ ខែកុម្ភៈ ឆ្នាំ២០២៤ ផ្លូវជាតិលេខ៥ ភូមិគ្រួស សង្កាត់សំរោង ខណ្ឌព្រែកព្នៅ រាជធានីភ្នំពេញ ។
សពឈ្មោះ សុី សុខ ណាន អាយុ២៦ឆ្នាំ មុខរបរជាងទឹកនិងជាងភ្លើង រស់នៅនៅ ឃុំព្រែកទទែន ស្រុកពញាឮខេត្ត កណ្ដាល មានប្រពន្ធនៅខេត្តស្វាយរៀង ។ ជនរងគ្រោះ ជិះម៉ូតូម៉ាកឡែត ពាក់ផ្លាកលេខ ស្វាយរៀង 1O-6788 ,ឯរថយន្តដឹកទំនិញ ពណ៌ស ពាក់ផ្លាកលេខ ព្រះសីហនុ 3A-2404 ។
តាមប្រភពព័ត៌មានបានឱ្យដឹងថា មុនពេលកើតហេតុ រថយន្តបានចតលើដងផ្លូវអែបចិញ្ចើមផ្លូវ ឯជនរងគ្រោះជិះម៉ូតូម្នាក់ឯង តាមបណ្ដោយផ្លូវជាតិលេខ៥ ក្នុងទិសដៅពីត្បូងមកជើង ក្នុងល្បឿន ក៏ជ្រុលបុករថយន្តពីក្រោយពេញទំហឹងបណ្ដាលឱ្យបាត់បង់ជីវិត ហើយអ្នកបើកបរបានរត់គេចបាត់ ។
ក្រោយកើតហេតុ សមត្ថកិច្ចវាស់វែងយករថយន្តនិងម៉ូតូទៅរក្សាទុក រង់ចាំការដោះស្រាយនៅពេលក្រោយ ,ចំណែកឯសពត្រូវក្រុមគ្រួសារ យកទៅស្រុកកំណើត ធ្វើបុណ្យតាមប្រពៃណី ៕ (ដោយ ៖ BBN07)
