អាមេរិក ៖ នៅពេលដែលព្រះអាទិត្យលិចលើទីក្រុង Baltimore ឆ្មាំសមុទ្រអាមេរិកបានបញ្ឈប់ការស្វែងរកកម្មករសំណង់ដែលបាត់ខ្លួនចំនួន ៦ នាក់ដែលកំពុងប៉ះផ្លូវជង្ហុកនៅលើស្ពាន Baltimore នៅពេលដែលកប៉ាល់ដឹកទំនិញដ៏ធំបានបុកស្ពាន ដែលបណ្តាលឱ្យសំណង់នេះដួលរលំចូលទៅក្នុងទឹកកាលពីថ្ងៃអង្គារម្សិលមិញ។
គ្រប់គ្នាទើបតែបានឮការប្រកាសសោកនាដកម្មពីមន្ត្រីឆ្មាំសមុទ្រអាមេរិក ថា «បុរសដែលបាត់ខ្លួនទាំងនោះត្រូវបានសន្មតថា បាត់បង់ជីវិត អស់ហើយ»។
ទឹកមានភាពត្រជាក់ពេក ហើយពេលវេលាក៏បានកន្លងហួសទៅយូរពេកផងដែរ ចាប់តាំងពីពេលស្ពានបានបាក់។ការផ្តោតអារម្មណ៍នឹងបង្វែរពីការស្វែងរក និងជួយសង្គ្រោះទៅបេសកកម្មស្តារស្ពានឡើងវិញ។
ប៉ុន្តែទីតាំងនោះគឺមានគ្រោះថ្នាក់ណាស់ ដោយសារដែកច្រងេងច្រងាងពីស្ពាន និងកុងតឺន័ររាយប៉ាយពាសពេញទន្លេPatapsco៕(ប្រែសម្រួលដោយ លោកសំណាង)