ពោធិ៍សាត់ ៖ មានករណីគ្រោះថ្នាក់ចរាចរណ៍រវាងរថភ្លើងបុកជាមួយរថយន្ដក្រុង៤៥កៅអីដឹកអ្នកដំណើរបណ្ដាលឱ្យមានមនុស្សរងរបួសធ្ងន់ស្រាល៥នាក់កេីតឡេីងនៅវេលាម៉ោង១១ព្រឹក ថ្ងៃទី២៩ ខែមីនា ឆ្នាំ២០២៤នេះ។
បេីតាមរបាយការណ៍លោកអធិការនគរបាលស្រុកក្រគរ បានឱ្យដឹងថា ករណីនេះបានកើតឡើងនៅចំណុចលើផ្លូវដែក ស្ថិតនៅភូមិបំណក់ ឃុំឈើតុំ ស្រុកក្រគរ ខេត្តពោធិ៍សាត់។
លោក មោគ ភារម្យ អធិការនគរបាលស្រុកក្រគរបន្តថា ករណីនេះពុំមានអ្នកស្លាប់នោះទេ តែមានអ្នករងរបួសស្រាលធ្ងន់៥នាក់ ខណៈប្រជាពលរដ្ឋ និងសមត្ថកិច្ចបានជួយអន្តរាគមន៍រួចរាល់ហើយ នៅឡើយតែរថភ្លើង និងរថយន្តនៅកៀបជាប់គ្នានៅឡើយ។
លោកអធិការស្រុកបន្តទៀតថា ហេតុការណ៍ខាងលើនេះ បានកើតឡើងខណៈរថយន្តក្រុងកំពុងធ្វើដំណើរ ក្នុងទិសដៅពីជើងឆ្ពោះទៅទិសខាងត្បូង ,លុះមកដល់ចំណុចកើតហេតុ ស្រាប់តែមានរថភ្លើងកំពុងបោះពួយមកពីទិសខាងកើត ឆ្ពោះទៅទិសខាងលិចបុករុញទទឹងរថយន្ត បណ្ដាលឱ្យកៀបជាប់គ្នាតែម្ដង៕(ដោយ គា សំណាង)
