ភ្នំពេញ ៖ មានករណីអគ្គីភ័យបានកើតឡើងនៅចំណុចផ្ទះលេខ២៧១ ផ្លូវលំ ភូមិថ្មី សង្កាត់ស្ទឹងមានជ័យ ខណ្ឌមានជ័យរាជធានីភ្នំពេញ នាវេលាម៉ោង ០៨និង៣៥ នាទីព្រឹក ថ្ងៃសុក្រ ទី២៦ ខែមេសា ឆ្នាំ២០២៤ ដោយមូលហេតុបណ្តាលមកពីការឆ្លងចរន្តអគ្គិសនី ។
សមត្ថកិច្ចនិយាយថា ម្ចាស់ផ្ទះឈ្មោះ ពៅ រដ្ឋ ភេទប្រុស អាយុ៥៥ឆ្នាំ ជនជាតិខ្មែរ មុខរបរ នគរបាល។ ប្រភេទសំណង់ដែលឆេះសង់អំពីថ្មប្រក់ស័ង្កសី មានទំហំ ០៥គុណនឹង១០ម៉ែត្រ បណ្តាលឱ្យឆេះខូតខាតអស់ ៨០ភាគរយ តែពុំបណ្តាលឲ្យឆេះរាលដាលដល់អ្នកក្បែរខាងឡើយ និងរងរបួសម្នាក់ ឈ្មោះ ឌួង ចិត្តភក្តី ភេទ ប្រុស ជា មន្រ្តីជាប់កិច្ចសន្យា ។
ភ្លាមៗនោះកងកម្លាំងនគរបាលបង្ការពន្លត់អគ្គិភ័យ និងសង្គ្រោះ បានប្រេីប្រាស់រថយន្តពន្លត់អគ្គិភ័យរបស់ការិយាល័យអគ្គីភ័យរាជធានីភ្នំពេញចំនួន ០៧ គ្រឿង ប្រេីប្រាស់ទឹកអស់ចំនួន ០២ រថយន្ត និងរថយន្តជំនួយអន្តរាគមន៍ក្រុមហ៊ុនស្រាបៀរកម្ពុជាចំនួន ០១ គ្រឿង ប្រើប្រាស់ទឹកអស់ចំនួន ០១ រថយន្ត ហើយពន្លត់ចប់នៅវេលាម៉ោង ០៩ព្រឹក នាថ្ងៃ ខែ ឆ្នាំដដែល៕(ដោយ ៖ SAKARA)
